Les mots surlignés font l'objet d'une note
1Monsieur, je receus ces jours icy voz lettres du XXXe
2du moys passé avec celles qui y estoient encloses pour
3monsieur d’Evenes votre frère, que je luy feis incontinant
4tenir. Il n’est poinct de besoing que vous me remerciez
5de ce que nous avons faict pour monsieur de Laval votre
6filz, car je vouldrois le servir en plus grande chose
7que celà, ce sera doncques quand l’ocasion s’en
8présentera et où j’en auray le moien. Je m’asseure qu’il
9vous aura faict entendre de ses nouvelles, comme il
10commence à se bien porter et en esperance de monter
11bientost à cheval, qui me gardera vous en dire
12icy aultre chose. Au reste, monsieur, vous pourrez
13avoir esté adverty comme la necessité de bledz augmente
14tous les jours, plus en ceste ville, tellement que si
15nous ne sommes secouruz de noz voisins, nous sommes
16pour endurer beaucoup. Il y a ung marchant de
17Bourgoing en Daulphiné, nommé Jacques Douyn,
18qui a promis à ceulx de ceste ville d’y en faire venir
19quelque quantité, pourveu qu’il vous plaise de luy
20permettre, qui me faict vous supplier bien humblement
21vouloir commander qu’il ne luy soit donné aucun
22empeschement affin, que nous peussions estre secouruz,
23[v°] en attendant que quelque provision, que nous sommes
24après de faire faire en Bourgongne, suivant la
25traicte qu’il auroit pleu au roy nous accorder, nous
26soit amenée. Et en ce faisant, tout le peuple de ceste ville
27se sentira grandement obligé à vous, et moy aussi
28particullierement, pour men revencher en tout aultre
29endroict où il vous plaira me commander.
30Quant à nouvelles de la court, je n’ay pour ceste
31heure aultre, sinon la continuaton de la deffaicte
32de monsieur de Genlys, qui est veritable, mais
33non pas possible si grande comme on la faisoit ;
34bien est vray que l’on dict que ledit sieur de Genlys
35avec quelque nombre de gentilzhommes de marque
36sont mortz ou prisonniers ; et tout le mal que
37je veois en celà, c’est la perte des gentilzhommes
38de notre France qui pourroient ung jour faire service
39au roy. L’on dict que le mariage du roy de Navarre
40et de Madame est retardé jusques au XVIIIe de
41ce mois. Voylà tout ce que je scaiche pour cest heure
42digne de vous escripre. Après mes bien humbles recommandations
43à votre bonne grace, je supplie le Créateur vous donner,
44Monsieur, en parfaicte santé, très longue vye. De Lyon,
45le IIIIe aoust 1572.
46Votre plus afeccionné à vous faire servise
47Mandelot
48